From the bookಪುಸ್ತಕದಿಂದ

Medical glossaryವೈದ್ಯಕೀಯ ಪದಕೋಶ

The medical and scientific words used in the book, explained in plain Kannada. This is the appendix from the book itself, so a word you meet on a prescription or a laboratory report can be looked up without owning a copy. ಪುಸ್ತಕದಲ್ಲಿ ಬಳಸಿರುವ ವೈದ್ಯಕೀಯ ಮತ್ತು ವೈಜ್ಞಾನಿಕ ಪದಗಳ ಸರಳ ವಿವರಣೆ. ಇದು ಪುಸ್ತಕದ ಅನುಬಂಧವೇ. ಚೀಟಿಯಲ್ಲೋ ವರದಿಯಲ್ಲೋ ಕಂಡ ಪದವನ್ನು ಪುಸ್ತಕ ಇಲ್ಲದೆಯೂ ಇಲ್ಲಿ ಹುಡುಕಬಹುದು.

ಗ್ಲೂಕೋಸ್ Glucose #: ಆಹಾರ ಜೀರ್ಣವಾದಾಗ ಉತ್ಪತ್ತಿಯಾಗುವ ಸರಳ ಸಕ್ಕರೆ; ದೇಹದ ಜೀವಕೋಶಗಳಿಗೆ ಶಕ್ತಿ ನೀಡುವ ಮುಖ್ಯ ಇಂಧನ (ಅಳತೆ: mg/dL).
ಇನ್ಸುಲಿನ್ Insulin #: ಮೇದೋಜೀರಕ ಗ್ರಂಥಿಯು ಉತ್ಪಾದಿಸುವ ಹಾರ್ಮೋನ್. ಇದು ಗ್ಲೂಕೋಸ್ ಜೀವಕೋಶಗಳ ಒಳಗೆ ಪ್ರವೇಶಿಸಲು ಬಾಗಿಲು ತೆರೆಯುವ 'ಬೀಗದ ಕೈ'.
ಮೇದೋಜೀರಕ ಗ್ರಂಥಿ Pancreas #: ಹೊಟ್ಟೆಯ ಹಿಂಭಾಗದಲ್ಲಿರುವ ಇನ್ಸುಲಿನ್ ಮತ್ತು ಜೀರ್ಣಕಾರಿ ರಸಗಳನ್ನು ಉತ್ಪಾದಿಸುವ ಕಾರ್ಖಾನೆ.
ಇನ್ಸುಲಿನ್ ವಿರೋಧ Insulin Resistance #: ದೇಹದಲ್ಲಿ ಇನ್ಸುಲಿನ್ ಇದ್ದರೂ, ಜೀವಕೋಶಗಳು ಅದಕ್ಕೆ ಕಿವುಡಾಗಿ ಗ್ಲೂಕೋಸ್ ಹೀರಿಕೊಳ್ಳಲು ನಿರಾಕರಿಸುವ ಸ್ಥಿತಿ.
ಪ್ರಿ-ಡಯಾಬಿಟಿಸ್ Pre-diabetes #: ಪೂರ್ಣ ಮಧುಮೇಹದ ಹಂತ ತಲುಪದ ಮಧ್ಯಂತರ ಸ್ಥಿತಿ (ಟ್ರಾಫಿಕ್ ಸಿಗ್ನಲ್‌ನ ಹಳದಿ ದೀಪ).
ಟೈಪ್ 1 ಮಧುಮೇಹ #: ರಕ್ಷಣಾ ವ್ಯವಸ್ಥೆಯೇ ಇನ್ಸುಲಿನ್ ಉತ್ಪಾದಿಸುವ ಕೋಶಗಳನ್ನು ನಾಶಮಾಡುವ ಸ್ಥಿತಿ; ಇನ್ಸುಲಿನ್ ಚುಚ್ಚುಮದ್ದು ಜೀವನಾಧಾರ.
ಟೈಪ್ 2 ಮಧುಮೇಹ #: ಇನ್ಸುಲಿನ್ ವಿರೋಧ ಮತ್ತು ಕ್ರಮೇಣ ಬೀಟಾ ಕೋಶಗಳ ದಣಿವುಗಳಿಂದ ವಯಸ್ಕರಲ್ಲಿ ಕಾಣಿಸಿಕೊಳ್ಳುವ ಮಧುಮೇಹ (ಶೇ. 90ಕ್ಕೂ ಹೆಚ್ಚು ಮಂದಿಗೆ ಇರುವ ಮಧುಮೇಹ).
ಗರ್ಭಾವಸ್ಥೆಯ ಮಧುಮೇಹ GDM #: ಗರ್ಭಾವಸ್ಥೆಯಲ್ಲಿ ಹಾರ್ಮೋನುಗಳ ಏರುಪೇರಿನಿಂದ ತಾಯಿಯಲ್ಲಿ ತಾತ್ಕಾಲಿಕವಾಗಿ ಕಾಣಿಸಿಕೊಳ್ಳುವ ಮಧುಮೇಹ.
ಹಿಮೋಗ್ಲೋಬಿನ್ ಎ1ಸಿ HbA1c #: ಕಳೆದ 90 ದಿನಗಳ (3 ತಿಂಗಳ) ಸರಾಸರಿ ಸಕ್ಕರೆ ನಿಯಂತ್ರಣವನ್ನು ತಿಳಿಸುವ ನಿಖರ ರಕ್ತ ಪರೀಕ್ಷೆ.
ಹೈಪೋಗ್ಲೈಸೀಮಿಯಾ (ಲೋ ಗ್ಲೂಕೋಸ್) #: ರಕ್ತದಲ್ಲಿ ಗ್ಲೂಕೋಸ್ ಮಟ್ಟ 70 mg/dL ಗಿಂತ ಕಡಿಮೆಯಾಗಿ ನಡುಕ, ಬೆವರು ಮತ್ತು ಪ್ರಜ್ಞಾಹೀನತೆ ಉಂಟುಮಾಡುವ ತುರ್ತು ಸ್ಥಿತಿ.
ಡಿಕೆಎ Diabetic Ketoacidosis #: ಇನ್ಸುಲಿನ್ ತೀವ್ರ ಕೊರತೆಯಿಂದ ರಕ್ತದಲ್ಲಿ ಆಮ್ಲೀಯ ಕೀಟೋನ್‌ಗಳು ಮಿತಿಮೀರಿ ಉಂಟಾಗುವ ಗಂಭೀರ ತುರ್ತು ಸ್ಥಿತಿ.
ಎಚ್‌ಎಚ್‌ಎಸ್ Hyperosmolar Hyperglycemic State #: ರಕ್ತದಲ್ಲಿ ಗ್ಲೂಕೋಸ್ 600 mg/dL ದಾಟಿ ತೀವ್ರ ನಿರ್ಜಲೀಕರಣ ಉಂಟುಮಾಡುವ ತುರ್ತು ಸ್ಥಿತಿ.
ಯುಗ್ಲೈಸೀಮಿಕ್ ಡಿಕೆಎ Euglycemic DKA #: ಸಕ್ಕರೆ ಮಟ್ಟ ತೀರಾ ಹೆಚ್ಚಾಗದಿದ್ದರೂ ಕೀಟೋಆಸಿಡೋಸಿಸ್ ಉಂಟಾಗುವ ಅಪರೂಪದ ಸ್ಥಿತಿ (SGLT2i ಮಾತ್ರೆಗಳ ಎಚ್ಚರಿಕೆ).
ಜಿಎಲ್‌ಪಿ-1 ಔಷಧಗಳು GLP-1 RAs #: ವಾರಕ್ಕೊಮ್ಮೆ ಅಥವಾ ದಿನಕ್ಕೊಮ್ಮೆ ಪಡೆಯುವ ಇಂಜೆಕ್ಷನ್ (ಈಗ ಮಾತ್ರೆ ರೂಪದಲ್ಲೂ); ತೂಕ ಇಳಿಸಿ, ಹೃದಯ-ಕಿಡ್ನಿ ರಕ್ಷಿಸುವ ಆಧುನಿಕ ಔಷಧಗಳು (ಅಧ್ಯಾಯ 38).
ಎಸ್ಜಿಎಲ್‌ಟಿ-2 ಇನ್‌ಹಿಬಿಟರ್‌ಗಳು SGLT2 Inhibitors #: ಮೂತ್ರದ ಮೂಲಕ ಹೆಚ್ಚುವರಿ ಗ್ಲೂಕೋಸ್ ಹೊರಹಾಕಿ ಕಿಡ್ನಿ ಮತ್ತು ಹೃದಯ ರಕ್ಷಿಸುವ ಆಧುನಿಕ ಮಾತ್ರೆಗಳು.
ಟೈಮ್ ಇನ್ ರೇಂಜ್ TIR #: ದಿನದ 24 ಗಂಟೆಯಲ್ಲಿ ರಕ್ತದ ಗ್ಲೂಕೋಸ್ 70 ರಿಂದ 180 mg/dL ನಾರ್ಮಲ್ ಮಿತಿಯಲ್ಲಿರುವ ಸಮಯದ ಶೇಕಡಾವಾರು (ಗುರಿ > 70%).
ಗ್ಲೈಸೆಮಿಕ್ ಇಂಡೆಕ್ಸ್ GI #: ಆಹಾರವು ರಕ್ತದಲ್ಲಿ ಗ್ಲೂಕೋಸ್ ಅನ್ನು ಎಷ್ಟು ವೇಗವಾಗಿ ಹೆಚ್ಚಿಸುತ್ತದೆ ಎಂಬುದನ್ನು ಅಳೆಯುವ ಸೂಚ್ಯಂಕ.
ನಾರಿನಂಶ Fiber #: ಜೀರ್ಣಕ್ರಿಯೆಯನ್ನು ನಿಧಾನಗೊಳಿಸಿ ರಕ್ತಕ್ಕೆ ಗ್ಲೂಕೋಸ್ ಹನಿಹನಿಯಾಗಿ ಬಿಡುಗಡೆಯಾಗುವಂತೆ ಮಾಡುವ ಸಸ್ಯಜನ್ಯ ನಾರು.
ಸಿಜಿಎಂ Continuous Glucose Monitoring #: ಚರ್ಮದ ಅಡಿಯಲ್ಲಿ ಸಂವೇದಕ ಅಳವಡಿಸಿ, ದಿನದ 24 ಗಂಟೆಯೂ ನಿರಂತರವಾಗಿ ಗ್ಲೂಕೋಸ್ ದಾಖಲಿಸುವ ಆಧುನಿಕ ತಂತ್ರಜ್ಞಾನ.
ಡಯಾಬಿಟಿಕ್ ರೆಟಿನೋಪತಿ #: ಕಣ್ಣಿನ ಹಿಂಭಾಗದ ರೆಟಿನಾದ ಸೂಕ್ಷ್ಮ ರಕ್ತನಾಳಗಳು ಹಾನಿಗೊಂಡು ದೃಷ್ಟಿಹಾನಿ ಉಂಟಾಗುವ ಸ್ಥಿತಿ.
ಡಯಾಬಿಟಿಕ್ ನೆಫ್ರೋಪತಿ #: ಕಿಡ್ನಿಯ ಸೂಕ್ಷ್ಮ ಫಿಲ್ಟರ್‌ಗಳು ಹಾನಿಗೊಂಡು ಮೂತ್ರದಲ್ಲಿ ಪ್ರೋಟೀನ್ ಸೋರಿಕೆಯಾಗುವ ಸ್ಥಿತಿ.
ಡಯಾಬಿಟಿಕ್ ನ್ಯೂರೋಪತಿ #: ನರಗಳು ಹಾನಿಗೊಂಡು ಪಾದಗಳಲ್ಲಿ ಸ್ಪರ್ಶಜ್ಞಾನ ಮರೆಯಾಗುವುದು ಅಥವಾ ಮರಗಟ್ಟುವಿಕೆ ಉಂಟಾಗುವ ಸ್ಥಿತಿ.
ಫ್ಯಾಟಿ ಲಿವರ್ MASLD #: ಲಿವರ್ ಜೀವಕೋಶಗಳಲ್ಲಿ ಹೆಚ್ಚುವರಿ ಕೊಬ್ಬು ಶೇಖರಣೆಯಾಗುವ ಸ್ಥಿತಿ.
ಪಿರಿಯೊಡಾಂಟಿಟಿಸ್ #: ಒಸಡು ಮತ್ತು ದವಡೆಯ ಮೂಳೆಗೆ ಉಂಟಾಗುವ ತೀವ್ರ ಸ್ವರೂಪದ ಬ್ಯಾಕ್ಟೀರಿಯಾ ಸೋಂಕು.
ನಿಮಿರುವಿಕೆ ದೋಷ Erectile Dysfunction #: ನರ ಮತ್ತು ರಕ್ತನಾಳಗಳ ದೋಷದಿಂದ ಉಂಟಾಗುವ ಲೈಂಗಿಕ ಅಶಕ್ತತೆ.
ಡಯಾಬಿಟಿಸ್ ಬರ್ನ್‌ಔಟ್ #: ದೀರ್ಘಕಾಲದ ಮಧುಮೇಹ ನಿರ್ವಹಣೆಯಿಂದ ಉಂಟಾಗುವ ತೀವ್ರ ಮಾನಸಿಕ ಮತ್ತು ಭಾವನಾತ್ಮಕ ದಣಿವು.
ಮಧುಮೇಹ ರಿಮಿಷನ್ / ರಿವರ್ಸಲ್ #: ತೂಕ ಇಳಿಕೆ ಮತ್ತು ಶಿಸ್ತಿನಿಂದ ಔಷಧಗಳಿಲ್ಲದೆ ರಕ್ತದ ಗ್ಲೂಕೋಸ್ ಮಟ್ಟವನ್ನು ನಾರ್ಮಲ್ ಆಗಿ ಇಟ್ಟುಕೊಳ್ಳುವ ಸ್ಥಿತಿ.
ಬೇಸಲ್ ಇನ್ಸುಲಿನ್ Basal Insulin #: ಊಟಕ್ಕೆ ಸಂಬಂಧಿಸದೆ ದಿನವಿಡೀ ಹಿನ್ನೆಲೆಯಲ್ಲಿ ಕೆಲಸ ಮಾಡುವ ದೀರ್ಘಕಾಲಿಕ ಇನ್ಸುಲಿನ್ (ಗ್ಲಾರ್ಜಿನ್, ಡೆಗ್ಲುಡೆಕ್). ಉಪವಾಸ ಅಥವಾ ಅಸ್ವಸ್ಥತೆಯ ದಿನಗಳಲ್ಲೂ ಇದನ್ನು ನಿಲ್ಲಿಸಬಾರದು.
ಪ್ರಾಂಡಿಯಲ್ (ಬೋಲಸ್) ಇನ್ಸುಲಿನ್ #: ಊಟದ ಜೊತೆಗೆ ತೆಗೆದುಕೊಳ್ಳುವ ಶಾರ್ಟ್-ಆಕ್ಟಿಂಗ್ ಇನ್ಸುಲಿನ್; ಊಟ ಮಾಡದಿದ್ದಾಗ ಇದನ್ನು ತೆಗೆದುಕೊಳ್ಳಬಾರದು.
ಪ್ರೀಮಿಕ್ಸ್ ಇನ್ಸುಲಿನ್ Premixed 30/70, 25/75 #: ಹಿನ್ನೆಲೆಯ ಮತ್ತು ಊಟದ ಇನ್ಸುಲಿನ್ ಎರಡೂ ಬೆರೆತಿರುವ ಇಂಜೆಕ್ಷನ್; ಉಪವಾಸ ಅಥವಾ ಅಸ್ವಸ್ಥತೆಯ ದಿನ ಡೋಸ್ ಬದಲಾವಣೆ ವೈದ್ಯರಿಂದ ಮಾತ್ರ.
ಸಲ್ಫೋನಿಲ್ಯೂರಿಯಾ Sulfonylurea #: ಗ್ಲಿಮೆಪಿರೈಡ್, ಗ್ಲಿಕ್ಲಾಜೈಡ್‌ನಂತಹ ಮಾತ್ರೆಗಳು; ಇನ್ಸುಲಿನ್ ಸ್ರವಿಸುವಂತೆ ಮಾಡುತ್ತವೆ, ಆದ್ದರಿಂದ ಊಟ ತಪ್ಪಿದರೆ ಲೋ ಗ್ಲೂಕೋಸ್ ಅಪಾಯ ಹೆಚ್ಚು.
ಐಡಿಆರ್‌ಎಸ್ IDRS #: ವಯಸ್ಸು, ಸೊಂಟದ ಸುತ್ತಳತೆ, ದೈಹಿಕ ಶ್ರಮ ಮತ್ತು ಕುಟುಂಬದ ಇತಿಹಾಸ ನೋಡಿ ಮಧುಮೇಹದ ಅಪಾಯವನ್ನು ಅಳೆಯುವ ಭಾರತೀಯ ಸ್ಕೋರ್ ಕಾರ್ಡ್ (ಅನುಬಂಧ 6).
ಡಿಪ್ಸಿ DIPSI #: ಗರ್ಭಿಣಿಯರಲ್ಲಿ ಮಧುಮೇಹ ಪತ್ತೆಗಾಗಿ ಭಾರತದಲ್ಲಿ ಬಳಸುವ ಏಕ-ಹಂತದ 75 ಗ್ರಾಂ ಗ್ಲೂಕೋಸ್ ಪರೀಕ್ಷೆ.
ಸಾರ್ಕೊಪೀನಿಯಾ Sarcopenia #: ವಯಸ್ಸಾದಂತೆ ಮಾಂಸಖಂಡಗಳು ಕರಗುವುದು; ಇದರಿಂದ ಗ್ಲೂಕೋಸ್ ಹೀರಿಕೊಳ್ಳುವ ಸಾಮರ್ಥ್ಯ ಕಡಿಮೆಯಾಗುತ್ತದೆ.
ಮೆಟಬಾಲಿಕ್ ಸರ್ಜರಿ #: ತೀವ್ರ ಬೊಜ್ಜು ಮತ್ತು ಹತೋಟಿಗೆ ಬಾರದ ಮಧುಮೇಹ ಇರುವವರಲ್ಲಿ ಮಾಡುವ ಲ್ಯಾಪರೊಸ್ಕೋಪಿಕ್ ಶಸ್ತ್ರಚಿಕಿತ್ಸೆ.

A word that is not hereಇಲ್ಲಿ ಇಲ್ಲದ ಪದ

This list holds the words the book uses. If you have met one it does not explain, write and say so: it is the kind of gap the next edition is made of. ಪುಸ್ತಕದಲ್ಲಿ ಬಳಸಿರುವ ಪದಗಳಷ್ಟೇ ಈ ಪಟ್ಟಿಯಲ್ಲಿವೆ. ಇಲ್ಲಿ ವಿವರಿಸದ ಪದ ಎದುರಾದರೆ ಬರೆದು ತಿಳಿಸಿ. ಇಂತಹ ಕೊರತೆಗಳಿಂದಲೇ ಮುಂದಿನ ಆವೃತ್ತಿ ರೂಪುಗೊಳ್ಳುತ್ತದೆ.

Suggest a wordಪದ ಸೂಚಿಸಿ Back to the bookಪುಸ್ತಕದ ಪುಟಕ್ಕೆ

Join the MEDiscuss Books list MEDiscuss ಪುಸ್ತಕಗಳ ಸುದ್ದಿ ಪಟ್ಟಿಗೆ ಸೇರಿ

An email when this book is out, and once in a while when there is an update or another MEDiscuss book. A few a year, no more. Your address is not given to anybody, and every email carries an unsubscribe link. ಈ ಪುಸ್ತಕ ಬಂದಾಗ ಒಂದು ಇಮೇಲ್; ಆಮೇಲೆ MEDiscuss ಪುಸ್ತಕಗಳ ಸುದ್ದಿ ಇದ್ದಾಗ ಅಥವಾ ಇನ್ನೊಂದು ಪುಸ್ತಕ ಬಂದಾಗ, ಆಗೊಮ್ಮೆ ಈಗೊಮ್ಮೆ. ವರ್ಷಕ್ಕೆ ಕೆಲವು ಬಾರಿ, ಅಷ್ಟೇ. ನಿಮ್ಮ ವಿಳಾಸವನ್ನು ಯಾರಿಗೂ ಕೊಡುವುದಿಲ್ಲ; ಈ ಪಟ್ಟಿಯಿಂದ ಹೊರಬರುವ ಲಿಂಕ್ ಪ್ರತಿ ಇಮೇಲ್ ಕೊನೆಯಲ್ಲೂ ಇರುತ್ತದೆ.