Name: ಮಧುಮೇಹ ಮನೋಹರ
Author: Dr Shashikiran Umakanth

Why this bookಯಾಕೆ ಈ ಪುಸ್ತಕ

“ನಿಮಗೆ ಡಯಾಬಿಟಿಸ್ ಇದೆ”: ಈ ಒಂದು ವಾಕ್ಯ ಕೇಳಿದ ಮರುಕ್ಷಣ

ಕಳೆದ 27ಕ್ಕೂ ಹೆಚ್ಚು ವರ್ಷಗಳಿಂದ ಆಸ್ಪತ್ರೆಯಲ್ಲಿ ಸಾವಿರಾರು ಜನರನ್ನು ನೋಡಿದ್ದೇನೆ. ಯಾರಿಗಾದರೂ ಮೊದಲ ಬಾರಿಗೆ ಈ ಮಾತು ಹೇಳಿದ ತಕ್ಷಣ, ಅವರ ಮುಖದಲ್ಲಿ ಸಿಡಿಲು ಬಡಿದಂತಹ ಭಾವನೆ ಮೂಡುತ್ತದೆ. “ಅಯ್ಯೋ, ನನ್ನ ಜೀವನ ಮುಗೀತು” ಎಂದು ಬೇಜಾರು ಮಾಡಿಕೊಳ್ಳುವವರೇ ಹೆಚ್ಚು. ಇನ್ನು ಕೆಲವರು ವಾಟ್ಸಾಪ್ ಯೂನಿವರ್ಸಿಟಿಯ ಜ್ಞಾನದಿಂದ ನೂರಾರು ಕಟ್ಟುಕಥೆಗಳನ್ನು ತಲೆಗೆ ತುಂಬಿಕೊಂಡು, ಏನೇನೋ ಪ್ರಯೋಗಗಳಿಗೆ ಕೈಹಾಕಿ ಕೈಸುಟ್ಟುಕೊಳ್ಳುತ್ತಾರೆ.

ಜನರ ಈ ಭಯ ಮತ್ತು ಗೊಂದಲಗಳಿಗೆ ನಮ್ಮ ವೈದ್ಯಕೀಯ ಲೋಕದ ಕಠಿಣ ಪದಗಳೂ ಒಂದು ಕಾರಣ. ವೈದ್ಯರು ಹೇಳುವ ಎಷ್ಟೋ ವೈಜ್ಞಾನಿಕ ವಿಚಾರಗಳು ಸಾಮಾನ್ಯ ಜನರಿಗೆ ಅರ್ಥವಾಗುವುದೇ ಇಲ್ಲ. ಇದೇ ಕಾರಣಕ್ಕೆ ಈ ಪುಸ್ತಕ.

ಶೀರ್ಷಿಕೆ ‘ಮಧುಮೇಹ ಮನೋಹರ’ ಅಂತ ಯಾಕಿದೆ? ಮಧುಮೇಹ ರೋಗವಲ್ಲ, ಅದೊಂದು ಶಿಸ್ತಿನ ಜೀವನ ನಡೆಸಲು ಪ್ರೇರೇಪಣೆ. ಅದನ್ನು ಶತ್ರುವಿನಂತೆ ನೋಡದೆ, ಮನಸ್ಸಾರೆ ಒಪ್ಪಿಕೊಂಡು ಸರಿಯಾಗಿ ನಿರ್ವಹಿಸಿದರೆ ಇದೂ ಕೂಡ ನಮ್ಮ ದೈನಂದಿನ ಒಡನಾಡಿಯಾಗಿ ‘ಮನೋಹರ’ವಾಗಿಯೇ ಇರುತ್ತದೆ ಎನ್ನುವ ಕಾರಣಕ್ಕೆ ಈ ಹೆಸರು.

ಸಿಹಿ ರಕ್ತ

ಡಯಾಬಿಟಿಸ್ ಎನ್ನುವ ಸ್ಥಿತಿಯ ಮೂಲ ವಿಜ್ಞಾನ ಮತ್ತು ದೇಹದ ಒಳಗೆ ನಡೆಯುವ ಬದಲಾವಣೆಗಳು, ಸರಳವಾಗಿ.

ಕಹಿ ಸತ್ಯ

ಸಮಾಜದಲ್ಲಿ ಮತ್ತು ಜಾಲತಾಣಗಳಲ್ಲಿ ಹರಿದಾಡುವ ನೂರಾರು ಭ್ರಮೆಗಳನ್ನು ಒಡೆದು ವಾಸ್ತವವನ್ನು ಬಿಚ್ಚಿಡುವ ವಿಚಾರಗಳು.

ಗೆಲ್ಲುವ ಸೂತ್ರ

ಊಟ, ವಾಕಿಂಗ್, ಮನಸ್ಸಿನ ನೆಮ್ಮದಿ ಮತ್ತು ಔಷಧಗಳ ಮೂಲಕ ಈ ಸ್ಥಿತಿಯನ್ನು ಸುಲಭವಾಗಿ ಗೆಲ್ಲುವ ದಾರಿ.

Free sample, a complete chapterಉಚಿತ ಮಾದರಿ, ಪೂರ್ತಿ ಅಧ್ಯಾಯ

See for yourself how it readsಪುಸ್ತಕ ಹೇಗಿದೆ ಎಂದು ನೀವೇ ನೋಡಿ

Below is the third chapter of the book, complete and unaltered. The book is written in Kannada, so the sample is in Kannada. The other 52 chapters are in the same style. ಕೆಳಗಿನದು ಪುಸ್ತಕದ ಮೂರನೇ ಅಧ್ಯಾಯ. ಒಂದಕ್ಷರವೂ ಬಿಡದೆ, ಇದ್ದದ್ದು ಇದ್ದ ಹಾಗೆ. ಉಳಿದ 52 ಅಧ್ಯಾಯಗಳೂ ಇದೇ ಶೈಲಿಯಲ್ಲಿವೆ.

ಭಾಗ 1 · ಅಧ್ಯಾಯ 3

ಪ್ರಿ-ಡಯಾಬಿಟಿಸ್: ಟ್ರಾಫಿಕ್ ಸಿಗ್ನಲ್‌ನ ‘ಹಳದಿ’ ದೀಪ!

“ನೋಡಿ ಡಾಕ್ಟ್ರೇ, ನನಗೇನೂ ಡಯಾಬಿಟಿಸ್ ಇಲ್ಲ! ರಿಪೋರ್ಟ್‌ನಲ್ಲಿ ಡಯಾಬಿಟಿಸ್ ಬರೀ ‘ಬಾರ್ಡರ್’ನಲ್ಲಿದೆ ಅಂತ ಲ್ಯಾಬ್‌ನವರು ಹೇಳಿದ್ರು. ದಿನಕ್ಕೊಂದು ಸ್ವೀಟ್ ತಿಂದ್ರೆ ಏನಾಗಲ್ಲ ಅಲ್ವಾ?”

ಈ ‘ಬಾರ್ಡರ್’ ಥಿಯರಿ ಕೇಳಿ ನನಗೆ ನಗಬೇಕೋ ಅಳಬೇಕೋ ತಿಳಿಯುವುದಿಲ್ಲ. ಹಲವರಿಗೆ ಈ ‘ಬಾರ್ಡರ್’ ಅನ್ನೋ ಪದದಲ್ಲಿ ಎಲ್ಲಿಲ್ಲದ ಪ್ರೀತಿ ಮತ್ತು ನಿರ್ಲಕ್ಷ್ಯ ಎರಡೂ ಸಹಾ! ಆದರೆ ವೈದ್ಯಕೀಯ ವಿಜ್ಞಾನದಲ್ಲಿ ಈ ಬಾರ್ಡರ್‌ಗೆ ಒಂದು ಸ್ಪಷ್ಟವಾದ ಹೆಸರಿದೆ, ಅದೇ ‘ಪ್ರಿ-ಡಯಾಬಿಟಿಸ್’. ಸರಳವಾಗಿ ಹೇಳಬೇಕೆಂದರೆ, ಇದು ಮಧುಮೇಹದ ಹೊಸ್ತಿಲು!

ಮಧುಮೇಹ ಪತ್ತೆಯಾಗುವ ಸುಮಾರು 5 ರಿಂದ 10 ವರ್ಷಗಳ ಮುಂಚೆಯೇ ನಿಮ್ಮ ದೇಹದ ಒಳಗೆ ಪ್ರಿ-ಡಯಾಬಿಟಿಸ್ ಪ್ರಕ್ರಿಯೆ ಶುರುವಾಗಿಬಿಟ್ಟಿರುತ್ತದೆ.

ಟ್ರಾಫಿಕ್ ಸಿಗ್ನಲ್ ಕಥೆ!

ಇದನ್ನು ಅರ್ಥಮಾಡಿಕೊಳ್ಳಲು ನಮ್ಮ ಟ್ರಾಫಿಕ್ ಸಿಗ್ನಲ್‌ನ ಉದಾಹರಣೆಯನ್ನೇ ತೆಗೆದುಕೊಳ್ಳೋಣ. ರಸ್ತೆಗಳಲ್ಲಿ ಮೂರು ಬಣ್ಣದ ದೀಪಗಳಿರುತ್ತವೆ ತಾನೇ? ಹಸಿರು, ಹಳದಿ ಮತ್ತು ಕೆಂಪು.

ಹಸಿರು ದೀಪ: ಇದು ಉರಿಯುತ್ತಿದ್ದರೆ, ನಿಮ್ಮ ರಕ್ತದಲ್ಲಿ ಗ್ಲೂಕೋಸ್ ಮಟ್ಟ ನಾರ್ಮಲ್, ಅಂದರೆ ಸರಿಯಿದೆ (ಖಾಲಿ ಹೊಟ್ಟೆಯಲ್ಲಿ 100ಕ್ಕಿಂತ ಕಡಿಮೆ) ಎಂದರ್ಥ. ನೀವು ಆರಾಮಾಗಿ, ಯಾವುದೇ ಟೆನ್ಷನ್ ಇಲ್ಲದೆ ಜೀವನ ನಡೆಸಬಹುದು.
ಕೆಂಪು ದೀಪ: ಇದು ಪಕ್ಕಾ ಮಧುಮೇಹ (ಖಾಲಿ ಹೊಟ್ಟೆಯಲ್ಲಿ 126ಕ್ಕಿಂತ ಹೆಚ್ಚು). ಇಲ್ಲಿ ನೀವು ಕಡ್ಡಾಯವಾಗಿ ಬ್ರೇಕ್ ಹಾಕಲೇಬೇಕು, ಆಹಾರದಲ್ಲಿ ಕಟ್ಟುನಿಟ್ಟು ತರಲೇಬೇಕು ಮತ್ತು ವೈದ್ಯರ ಸಲಹೆಯಂತೆ ಔಷಧಗಳನ್ನು ತೆಗೆದುಕೊಳ್ಳಬೇಕು.
ಹಳದಿ ದೀಪ: ಅದೇ ಪ್ರಿ-ಡಯಾಬಿಟಿಸ್! ಅಂದರೆ ರಕ್ತದಲ್ಲಿ ಗ್ಲೂಕೋಸ್ ಮಟ್ಟ ನಾರ್ಮಲ್ ಕೂಡ ಅಲ್ಲ, ಹಾಗಂತ ಪೂರ್ತಿ ಮಧುಮೇಹವೂ ಅಲ್ಲ (ಖಾಲಿ ಹೊಟ್ಟೆಯಲ್ಲಿ 100 ರಿಂದ 125ರ ನಡುವೆ). ಈ ಹಳದಿ ದೀಪ ಎನ್ನುವುದು ಪ್ರಕೃತಿ ನಮಗೆ ಕೊಡುತ್ತಿರುವ ಅತಿ ದೊಡ್ಡ ಎಚ್ಚರಿಕೆಯ ಗಂಟೆ.

ಒಳಗೊಳಗೆ ನಡೆಯುವ ಯುದ್ಧ!

“ನನಗೇನೂ ಸುಸ್ತಾಗ್ತಿಲ್ಲ, ಪದೇ ಪದೇ ಮೂತ್ರಕ್ಕೆ ಹೋಗ್ತಿಲ್ಲ, ತಲೆನೋವು ಬರ್ತಿಲ್ಲ, ಹಾಗಾಗಿ ನಾನಿನ್ನೂ ಆರೋಗ್ಯವಾಗಿದ್ದೀನಿ” ಅನ್ನೋದು ಬಹುತೇಕರ ನಂಬಿಕೆ. ಆದರೆ ಪ್ರಿ-ಡಯಾಬಿಟಿಸ್ ಎನ್ನುವುದು ಅತ್ಯಂತ ಸೈಲೆಂಟ್ ಆಗಿ ಒಳಗೇ ತೊಂದರೆ ಕೊಡುವ ಸ್ಥಿತಿ. ಇದು ಯಾವುದೇ ಲಕ್ಷಣಗಳನ್ನು ಹೊರಗಡೆ ತೋರಿಸುವುದಿಲ್ಲ. ಆದರೆ ದೇಹದ ಒಳಗೆ ದೊಡ್ಡ ಯುದ್ಧವೇ ನಡೆಯುತ್ತಿರುತ್ತದೆ.

ಆ ಜೀವಕೋಶಗಳು ಇನ್ಸುಲಿನ್‌ಗೆ ಬಾಗಿಲು ಹಾಕುವ ಪ್ರಕ್ರಿಯೆ ಈ ಹಂತದಲ್ಲೇ ಶುರುವಾಗಿರುತ್ತದೆ. ನಿಮ್ಮ ಮೇದೋಜೀರಕ ಗ್ರಂಥಿ ರಕ್ತದಲ್ಲಿ ಏರುತ್ತಿರುವ ಗ್ಲೂಕೋಸ್ ಅನ್ನು ಹೇಗಾದರೂ ಮಾಡಿ ನಿಯಂತ್ರಿಸಲು, ತನ್ನ ಶಕ್ತಿ ಮೀರಿ ಓವರ್-ಟೈಮ್ ಕೆಲಸ ಮಾಡಿ ಇನ್ಸುಲಿನ್ ಉತ್ಪಾದಿಸುತ್ತಿರುತ್ತದೆ. ಆ ಪಾಪದ ಗ್ರಂಥಿ ದಣಿದು ಸುಸ್ತಾಗಿ ಕೈಚೆಲ್ಲುವ ಮುನ್ನವೇ ಎಚ್ಚೆತ್ತುಕೊಳ್ಳಲು ಇರುವ ಕೊನೆಯ ಅವಕಾಶವಿದು!

ಹಿಮ್ಮೆಟ್ಟಿಸಲು ಇರುವ ಅದ್ಭುತ ಅವಕಾಶ!

ಮಧುಮೇಹ ಸಂಪೂರ್ಣವಾಗಿ ಕಾಲಿಡುವ ಮೊದಲೇ, ಅದು ಪ್ರಿ-ಡಯಾಬಿಟಿಸ್ ಎಂಬ ಹೊಸ್ತಿಲಿನಲ್ಲಿ ಇರುವಾಗಲೇ ಎಚ್ಚೆತ್ತುಕೊಳ್ಳಬೇಕು.

ಇಲ್ಲಿ ನಿಮಗೊಂದು ಅತ್ಯಂತ ಭರವಸೆಯ ವಿಚಾರವಿದೆ. ಒಮ್ಮೆ ಪೂರ್ಣ ಪ್ರಮಾಣದ ಮಧುಮೇಹ ಬಂದು ವರ್ಷಗಳು ಕಳೆದರೆ ಅದನ್ನು ಸಂಪೂರ್ಣವಾಗಿ ಹಿಮ್ಮೆಟ್ಟಿಸುವುದು ಕಷ್ಟವಾಗಬಹುದು. ಆದರೆ ಈ ‘ಹಳದಿ ದೀಪ’ದ ಹಂತದಲ್ಲಿ ನೀವು ದೃಢವಾದ ಶಿಸ್ತು ಪಾಲಿಸಿದರೆ, ಮಧುಮೇಹ ಬರುವ ಅಪಾಯವನ್ನು ಸುಮಾರು ಶೇಕಡಾ 58 ರಷ್ಟು ಕಡಿಮೆ ಮಾಡಿ, ಮತ್ತೆ ‘ಹಸಿರು ದೀಪ’ದ ಕಡೆಗೆ ಮರಳುವುದು ಖಂಡಿತಾ ಸಾಧ್ಯ!

ಹೇಗೆ ಹಿಮ್ಮೆಟ್ಟಿಸೋದು?

ಯಾವ ಮ್ಯಾಜಿಕ್ ಮಾತ್ರೆಗಳೂ ಬೇಕಿಲ್ಲ. ಕೇವಲ ಎರಡು ಸರಳ ಸೂತ್ರಗಳು:

ಊಟದಲ್ಲಿ ಶಿಸ್ತು: ನಿಮ್ಮ ತಟ್ಟೆಯಲ್ಲಿರುವ ಸಿಹಿ, ಜ್ಯೂಸ್, ಮೈದಾ, ಮತ್ತು ಅತಿಯಾಗಿ ಸಂಸ್ಕರಿಸಿದ ಜಂಕ್-ಫುಡ್‌ಗಳಿಗೆ ಗುಡ್ ಬೈ ಹೇಳಿ. ತರಕಾರಿ, ಸೊಪ್ಪು, ನಾರಿನಂಶ ಹೆಚ್ಚಿರುವ ನೈಸರ್ಗಿಕ ಆಹಾರಗಳಿಗೆ ಸ್ವಾಗತ ಕೋರಿ.
ಮೈ ಬೆವರಲಿ: ದಿನಕ್ಕೆ ಕನಿಷ್ಠ 30 ರಿಂದ 45 ನಿಮಿಷ ವೇಗವಾದ ನಡಿಗೆ ಮತ್ತು ಲಘು ವ್ಯಾಯಾಮ. ನಿಮ್ಮ ಮಾಂಸಖಂಡಗಳಿಗೆ ಕೆಲಸ ಕೊಟ್ಟರೆ, ಅವು ರಕ್ತದಲ್ಲಿರುವ ಹೆಚ್ಚುವರಿ ಗ್ಲೂಕೋಸ್ ಅನ್ನು ಹೀರಿಕೊಂಡು, ಆ ಹಳದಿ ದೀಪವನ್ನು ಮತ್ತೆ ಹಸಿರಾಗಿಸುತ್ತವೆ.

ನಿಮ್ಮನ್ನು ನೀವೇ ಕೇಳಿಕೊಳ್ಳಿ: ರಸ್ತೆಯಲ್ಲಿ ಹಳದಿ ದೀಪ ಕಂಡಾಗ ಎಚ್ಚರಿಕೆಯಿಂದ ಬ್ರೇಕ್ ಹಾಕುತ್ತೀರೋ ಅಥವಾ ನಿರ್ಲಕ್ಷ್ಯ ಮಾಡಿ ಮುಂದೆ ಹೋಗಿ ಅಪಘಾತಕ್ಕೀಡಾಗುತ್ತೀರೋ? ನಿರ್ಧಾರ ನಿಮ್ಮ ಕೈಯಲ್ಲಿದೆ.

ಮುಖ್ಯ ಸಂದೇಶ / ಗೆಲ್ಲುವ ಸೂತ್ರ: ಪ್ರಿ-ಡಯಾಬಿಟಿಸ್ ಎನ್ನುವುದು ಪ್ರಕೃತಿ ನಮಗೆ ಕೊಟ್ಟಿರುವ ಎರಡನೇ ಅವಕಾಶ; ಹಳದಿ ದೀಪದಲ್ಲೇ ಎಚ್ಚೆತ್ತುಕೊಂಡರೆ ಮಧುಮೇಹದ ಅಪಾಯವನ್ನು ಸುಮಾರು ಶೇಕಡಾ 58 ರಷ್ಟು ತಗ್ಗಿಸಿ ಮತ್ತೆ ಹಸಿರು ದೀಪದ ಕಡೆಗೆ ಮರಳುವುದು ಖಂಡಿತಾ ಸಾಧ್ಯ!

Chapter 3 ends here. 52 more are in the book. ಅಧ್ಯಾಯ 3 ಮುಗಿಯಿತು. ಇನ್ನೂ 52 ಅಧ್ಯಾಯಗಳು ಪುಸ್ತಕದಲ್ಲಿವೆ. Order a copyಪುಸ್ತಕ ತರಿಸಿಕೊಳ್ಳಿ

Three passages from insideಪುಸ್ತಕದೊಳಗಿನಿಂದ ಮೂರು ತುಣುಕುಗಳು

A taste of the bitter truthsಕಹಿ ಸತ್ಯಗಳ ಒಂದು ರುಚಿ

ಸಿನಿಮಾದಲ್ಲಿ ಎರಡು ತರಹದ ವಿಲನ್‌ಗಳಿರುತ್ತಾರೆ. ಒಬ್ಬ ಕೋಟು-ಸೂಟು ಹಾಕಿಕೊಂಡ ಸ್ಟೈಲಿಶ್ ವಿಲನ್, ಮತ್ತೊಬ್ಬ ಪಂಚೆ ಉಟ್ಟುಕೊಂಡ ವಿಲನ್. ವೇಷ ಬೇರೆಯಾದರೂ ಇಬ್ಬರೂ ವಿಲನ್‌ಗಳೇ ತಾನೇ! ನಮ್ಮ ಸಕ್ಕರೆ ಮತ್ತು ಬೆಲ್ಲದ ಕಥೆಯೂ ಅಕ್ಷರಶಃ ಇದೇ.

ಅಧ್ಯಾಯ 33: ಬಿಳಿ ಸಕ್ಕರೆ ವಿಷ, ಬೆಲ್ಲ-ಜೇನುತುಪ್ಪ ಅಮೃತ! ಇದು ನಿಜಾನಾ?

ಸಿಟಿಯ ಟ್ರಾಫಿಕ್‌ನಲ್ಲಿ ಕಾರು ಓಡಿಸಿದರೆ ಪೆಟ್ರೋಲ್ ಜಾಸ್ತಿ ಖರ್ಚಾಗುತ್ತೆ, ಡ್ರೈವರ್‌ಗೂ ಸುಸ್ತಾಗುತ್ತೆ. ಆದರೆ ಮೈಲೇಜ್ ಮಾತ್ರ ಸೊನ್ನೆ! ಮನೆ ಕೆಲಸ ಮಾಡುವುದು ಬೇರೆ, ಡಯಾಬಿಟಿಸ್ ಕಂಟ್ರೋಲ್ ಮಾಡಲು ಮಾಡುವ ವ್ಯಾಯಾಮ ಬೇರೆ.

ಅಧ್ಯಾಯ 35: ದಿನಪೂರ್ತಿ ಮನೆ ಕೆಲಸ, ಅದೇ ನಂಗೆ ದೊಡ್ಡ ವಾಕಿಂಗ್!

ಸಿಹಿ ಮತ್ತು ಕಹಿ ಕೇವಲ ಕವನಗಳಲ್ಲಿ, ಸಿನಿಮಾದ ಹಾಡುಗಳಲ್ಲಿ ಮಾತ್ರ ಪರಸ್ಪರ ವಿರೋಧಿ ಪದಗಳು. ನಮ್ಮ ದೇಹದ ಒಳಗೆ ಖಂಡಿತಾ ಇವೆರಡೂ ವಿರೋಧಿಗಳಲ್ಲ! ಮಧುಮೇಹ ಎನ್ನುವುದು ಸಿಹಿ ಮತ್ತು ಕಹಿಯ ನಡುವಿನ ಯುದ್ಧವಲ್ಲ.

ಅಧ್ಯಾಯ 43: ಕಹಿ ತಿಂದ್ರೆ ಸಿಹಿ ಕರಗುತ್ತಾ?

Contentsಪರಿವಿಡಿ

7 parts, 53 chapters 7 ಭಾಗಗಳು, 53 ಅಧ್ಯಾಯಗಳು

The revised edition adds thirteen new chapters and 6 practical appendices, marked below. ಪರಿಷ್ಕೃತ ಆವೃತ್ತಿಯಲ್ಲಿ ಹದಿಮೂರು ಹೊಸ ಅಧ್ಯಾಯಗಳು ಮತ್ತು 6 ಪ್ರಾಯೋಗಿಕ ಅನುಬಂಧಗಳು ಸೇರಿವೆ.

ಭಾಗ 1: ಮಧುಮೇಹ ಮೂಲ ಪಾಠ

ಡಯಾಬಿಟಿಸ್ ಅಂದ್ರೆ ಏನು ಸ್ವಾಮಿ?
ಟೈಪ್ 1 ಮತ್ತು ಟೈಪ್ 2: ಈ ಅವಳಿ-ಜವಳಿಗಳ ಕಥೆ!
ಪ್ರಿ-ಡಯಾಬಿಟಿಸ್: ಟ್ರಾಫಿಕ್ ಸಿಗ್ನಲ್‌ನ ‘ಹಳದಿ’ ದೀಪ!
ದೇಹ ಹೊಡೆಯುತ್ತಿರುವ ‘ಅಲಾರ್ಮ್ ಬೆಲ್’! ಬಾಯಾರಿಕೆ, ಸುಸ್ತು, ಪದೇ ಪದೇ ಮೂತ್ರ
ನಿಮ್ಮ ಸಕ್ಕರೆಯ ‘ಮೂರು ತಿಂಗಳ ರಿಪೋರ್ಟ್ ಕಾರ್ಡ್’!
ಅಪ್ಪ-ಅಮ್ಮನ ಆಸ್ತಿ ಜೊತೆಗೆ ‘ಡಯಾಬಿಟಿಸ್’ ಕೂಡ ಫ್ರೀ!

ಭಾಗ 2: ಮಧುಮೇಹದ ಇತರೆ ಮುಖಗಳು

ಚಿಣ್ಣರನ್ನು ಕಾಡುವ ಟೈಪ್ 1 ಡಯಾಬಿಟಿಸ್
ಗರ್ಭಿಣಿಯರಲ್ಲಿ ಮಧುಮೇಹ: ತಾಯಿಗೂ ಮಗುವಿಗೂ ಎಕ್ಸ್ಟ್ರಾ ಕೇರ್!
ಬೇರೆ ಕಾಯಿಲೆಗೆ ಔಷಧಿ ತಿಂದ್ರೆ ಡಯಾಬಿಟಿಸ್ ಬರುತ್ತಾ?
ಹಿರಿಯರಲ್ಲಿ ಮಧುಮೇಹ: ಸಕ್ಕರೆಗಿಂತ ತಲೆತಿರುಗಿ ಬೀಳುವ ಅಪಾಯವೇ ಹೆಚ್ಚು! (ಹೊಸ ಅಧ್ಯಾಯ)

ಭಾಗ 3: ದೇಹದ ಒಳಗೆ ನಡೆಯುವ ‘ಮಹಾಭಾರತ’

ಇನ್ಸುಲಿನ್: ನಮ್ಮ ಜೀವಕೋಶಗಳ ‘ಬೀಗದ ಕೈ’!
ಮೇದೋಜೀರಕ ಗ್ರಂಥಿ: ನಮ್ಮ ಇನ್ಸುಲಿನ್ ಫ್ಯಾಕ್ಟರಿ
ಇನ್ಸುಲಿನ್ ವಿರೋಧ: ಕಿವುಡಾದ ಜೀವಕೋಶಗಳು!
ಹೊಟ್ಟೆಯ ಬೊಜ್ಜು ಎಂಬ ಸೈಲೆಂಟ್ ವಿಲನ್: ತೂಕ ಇಳಿಕೆಯ ಗುರಿ ಮತ್ತು ಮೆಟಬಾಲಿಕ್ ಸರ್ಜರಿ! (ಹೊಸ ಅಧ್ಯಾಯ)

ಭಾಗ 4: ಮೈಮರೆತರೆ ಬರುವ ಕಾಂಪ್ಲಿಕೇಶನ್ಸ್ ಮತ್ತು ತುರ್ತು ಸ್ಥಿತಿಗಳು

ರಕ್ತದಲ್ಲಿ ಗ್ಲೂಕೋಸ್ ಮಿತಿಮೀರಿ ಕುದಿಯುವಾಗ: ಡಿಕೆಎ (DKA) ಮತ್ತು ಎಚ್‌ಎಚ್‌ಎಸ್ (HHS) ಎಮರ್ಜೆನ್ಸಿ! (ಹೊಸ ಅಧ್ಯಾಯ)
ಲೋ ಗ್ಲೂಕೋಸ್: ಹೆಚ್ಚಾಗುವುದಕ್ಕಿಂತ ಕಡಿಮೆಯಾಗುವುದೇ ಡೇಂಜರ್!
ಕಣ್ಣಿನ ಮೇಲೆ ಮಧುಮೇಹದ ಪ್ರಹಾರ!
ಕಿಡ್ನಿ ಎಂಬ ‘ವಾಟರ್ ಫಿಲ್ಟರ್’
ಕಾಲುಗಳ ಸ್ಪರ್ಶ ಜ್ಞಾನ ಮರೆಯಾಗುವುದು
ಹೃದಯದ ಪೈಪ್‌ಗಳಲ್ಲಿ ಬ್ಲಾಕೇಜ್!
ಗಾಯ ವಾಸಿಯಾಗದ ‘ಸಿಹಿ ರಕ್ತ’ದ ಕಥೆ!
ಸೋಂಕು, ಒಸಡು ಮತ್ತು ಚರ್ಮ: ಸೂಕ್ಷ್ಮಜೀವಿಗಳಿಗೆ ‘ಸಿಹಿ ಔತಣ’!
ಮಧುಮೇಹಿಗಳಿಗೆ ತಪ್ಪದೇ ಬೇಕು ರಕ್ಷಣಾ ಕವಚ: ಲಸಿಕೆಗಳ (ವ್ಯಾಕ್ಸಿನ್) ಅಸಲಿ ಮಹತ್ವ! (ಹೊಸ ಅಧ್ಯಾಯ)
ಹಲ್ಲು ಮತ್ತು ಒಸಡುಗಳ ಆರೋಗ್ಯ: ಡೆಂಟಿಸ್ಟ್ ಬಳಿ ಮಧುಮೇಹಿಗಳ ರೆಗ್ಯುಲರ್ ರೌಂಡ್ಸ್! (ಹೊಸ ಅಧ್ಯಾಯ)
ಫ್ಯಾಟಿ ಲಿವರ್: ಲಿವರ್‌ನಲ್ಲೂ ಮಧುಮೇಹದ ಠಿಕಾಣಿ! (ಹೊಸ ಅಧ್ಯಾಯ)
ಮುಚ್ಚಿಡುವ ಮಾತು: ಮಧುಮೇಹ ಮತ್ತು ಲೈಂಗಿಕ ಆರೋಗ್ಯ! (ಹೊಸ ಅಧ್ಯಾಯ)
ಮಧುಮೇಹದ ಜೊತೆಗಿರುವ ದುಷ್ಟ ಸ್ನೇಹಿತರು!

ಭಾಗ 5: ಡಯಟ್ ದರ್ಬಾರ್

ಮಧುಮೇಹ ಬಂದ್ಮೇಲೆ ಹೆಚ್ಚಾಗುತ್ತೆ “ಮಧುಮೋಹ”!
ಫಂಕ್ಷನ್‌ಗಳಲ್ಲಿ ಮಾತ್ರ ತಿನ್ನೋ ಸ್ವೀಟ್ ಮತ್ತು ‘ಎರಡು ಬಾಡಿ’ಗಳ ಭ್ರಮೆ! (ಹೊಸ ಅಧ್ಯಾಯ)
‘ಏನು ತಿನ್ನಬಾರದು?’ ಭ್ರಮೆ ಮತ್ತು ‘ಸ್ಮಾರ್ಟ್ ಪ್ಲೇಟ್’ ಗುಟ್ಟು!
ನಿಧಾನವಾಗಿ ಕರಗುವ ಆಹಾರ ಮತ್ತು ಸಿರಿಧಾನ್ಯಗಳ ಸತ್ಯಾಸತ್ಯತೆ!
ಹಣ್ಣುಗಳ ಪ್ರೀತಿ, ಹಬ್ಬದೂಟ ಮತ್ತು ಉಪವಾಸದ ಬ್ಯಾಲೆನ್ಸ್!
ಬಿಳಿ ಸಕ್ಕರೆ ವಿಷ, ಬೆಲ್ಲ-ಜೇನುತುಪ್ಪ ಅಮೃತ! ಇದು ನಿಜಾನಾ?
ಪ್ಯಾಕೆಟ್ ಮೇಲಿನ ಮೋಸದಾಟ: ‘ಶುಗರ್ ಫ್ರೀ’, ‘ಡಯೆಟ್’ ಲೇಬಲ್ ಓದುವ ಕಲೆ! (ಹೊಸ ಅಧ್ಯಾಯ)

ಭಾಗ 6: ಪರಿಹಾರ ಮತ್ತು ಟ್ರೀಟ್‌ಮೆಂಟ್

ವಾಕಿಂಗ್: ದಿನಪೂರ್ತಿ ಮನೆ ಕೆಲಸ, ಅದೇ ನಂಗೆ ದೊಡ್ಡ ವಾಕಿಂಗ್!
ಔಷಧಿಗಳು ಮ್ಯಾಜಿಕ್ ಮಾಡಲ್ಲ, ನಮ್ಮ ಸಹಕಾರ ಬೇಕು!
ಇನ್ಸುಲಿನ್ ಅಂದ್ರೆ ‘ಲಾಸ್ಟ್ ಸ್ಟೇಜ್’ ಅಂತನಾ?
ಆಧುನಿಕ ವೈದ್ಯಕೀಯದ ಹೊಸ ವಿಸ್ಮಯ: ‘ವಾರಕ್ಕೊಂದು ಇಂಜೆಕ್ಷನ್’ ಮತ್ತು ಮೂತ್ರದಲ್ಲಿ ಸಕ್ಕರೆ ಹೊರಹಾಕುವ ಮಾತ್ರೆಗಳು! (ಹೊಸ ಅಧ್ಯಾಯ)
ಗ್ಲೂಕೋಮೀಟರ್: ನಿಮ್ಮ ದಿನನಿತ್ಯದ ಕನ್ನಡಿ!
ಸಿಜಿಎಂ (CGM) ಮತ್ತು ಸ್ಮಾರ್ಟ್ ಗ್ಯಾಜೆಟ್‌ಗಳು: ಸೂಜಿ ಚುಚ್ಚದೆ ಸಕ್ಕರೆ ಅಳೆಯುವ ತಂತ್ರಜ್ಞಾನ! (ಹೊಸ ಅಧ್ಯಾಯ)
ಪಾದಗಳ ರಕ್ಷಣೆ: ಚಪ್ಪಲಿ ಖರೀದಿಸುವುದು ಕೂಡ ಒಂದು ಕಲೆ!
ಮದ್ಯ, ಧೂಮಪಾನ ಮತ್ತು ನಿದ್ರೆ: ಮೂರು ಮೌನ ‘ಗೇಮ್ ಚೇಂಜರ್’ಗಳು!
ಕಹಿ ತಿಂದ್ರೆ ಸಿಹಿ ಕರಗುತ್ತಾ?
ನಾಟಿ ಮದ್ದು ಮತ್ತು ಬೆರಕೆ ಪುಡಿಗಳ ಅಸಲಿ ಕಥೆ: ಕರಗದ ಸಕ್ಕರೆ, ಕೈಕೊಡುವ ಕಿಡ್ನಿ! (ಹೊಸ ಅಧ್ಯಾಯ)

ಭಾಗ 7: ವಿಶೇಷ ಸಂದರ್ಭಗಳು ಮತ್ತು ಸಮಾರೋಪ

ಹಬ್ಬದ ದಿನ ಉಪವಾಸ: ಮಾತ್ರೆ ನುಂಗಬೇಕೋ, ಬಿಡಬೇಕೋ?
ಜ್ವರ ಮತ್ತು ಹುಷಾರಿಲ್ಲದ ದಿನಗಳಲ್ಲಿ ಹೇಗಿರಬೇಕು?
ಪ್ರಯಾಣದ ದಿನಗಳಲ್ಲಿ ಮಧುಮೇಹ!
ಗ್ಲೂಕೋಸ್ ನಾರ್ಮಲ್ ಬಂದ್ಮೇಲೆ ಮಾತ್ರೆ ನಿಲ್ಲಿಸಬಹುದಾ?
ಡಯಾಬಿಟಿಸ್ ‘ರಿವರ್ಸಲ್’ ಮತ್ತು ರಿಮಿಷನ್: ಇದು ಮ್ಯಾಜಿಕ್ಕಾ ಅಥವಾ ಲಾಜಿಕ್ಕಾ?
ಟೆನ್ಷನ್ ತಗೊಂಡ್ರೆ ಡಯಾಬಿಟಿಸ್ ಜಾಸ್ತಿ ಆಗುತ್ತಾ?
ಮನಸ್ಸಿನ ಮೇಲೂ ಮಧುಮೇಹದ ಹೊರೆ: ‘ಡಯಾಬಿಟಿಸ್ ಬರ್ನ್‌ಔಟ್’ ಮತ್ತು ಭಾವನಾತ್ಮಕ ದಣಿವು! (ಹೊಸ ಅಧ್ಯಾಯ)
ಮಧುಮೇಹ ಒಂದು ಕಾಯಿಲೆಯಲ್ಲ, ಅದೊಂದು ಶಿಸ್ತು!
ಮಧುಮೇಹ ಗೆಲ್ಲಲು ಬೇಕು ‘ಫ್ಯಾಮಿಲಿ’ ಸಾಥ್: ಮನೆಯವರಿಗೊಂದು ಪ್ರೀತಿಯ ಕಿವಿಮಾತು!

ಅನುಬಂಧಗಳು ಮತ್ತು ಪ್ರಾಯೋಗಿಕ ಪರಿಕರಗಳು

ಅನುಬಂಧ 1. ಮಧುಮೇಹಿಯ ವಾರ್ಷಿಕ ಆರೋಗ್ಯ ತಪಾಸಣಾ ಮಾರ್ಗದರ್ಶಿ (Annual Health Audit Checklist)
ಅನುಬಂಧ 2. ‘ಲೋ ಗ್ಲೂಕೋಸ್’ (ಹೈಪೋಗ್ಲೈಸೀಮಿಯಾ) ತುರ್ತು ನಿರ್ವಹಣೆ: ‘15-15 ಸೂತ್ರ’
ಅನುಬಂಧ 3. ದಕ್ಷಿಣ ಭಾರತೀಯ ಆಹಾರಗಳ ಗ್ಲೈಸೆಮಿಕ್ ವರ್ಗೀಕರಣ ಮತ್ತು ‘ಸ್ಮಾರ್ಟ್ ಪ್ಲೇಟ್’ ಸೂತ್ರ
ಅನುಬಂಧ 4. ದಿನನಿತ್ಯದ ಗ್ಲೂಕೋಸ್ ತಪಾಸಣಾ ಮಾದರಿ ಲಾಗ್‌ಬುಕ್ (SMBG Log Sheet)
ಅನುಬಂಧ 5. ‘ಸಿಕ್ ಡೇ ರೂಲ್ಸ್’ ಮತ್ತು ತುರ್ತು ವೈದ್ಯಕೀಯ ಗುರುತಿನ ಚೀಟಿ (Emergency Medical ID Card)
ಅನುಬಂಧ 6. ಭಾರತೀಯ ಮಧುಮೇಹ ಅಪಾಯ ಸೂಚ್ಯಂಕ (IDRS) ಮತ್ತು ಡಿಜಿಟಲ್ ಪರಿಕರಗಳು
ತಕ್ಷಣದ ಉತ್ತರಗಳು: ಯಾವ ಪ್ರಶ್ನೆಗೆ ಯಾವ ಅಧ್ಯಾಯ? (Quick Answers)
ಮಧುಮೇಹಿಗಳ ಮನೆಯವರಿಗೊಂದು ಪುಟ (A Page for the Family)
ವೈದ್ಯಕೀಯ ಪದಕೋಶ (Medical Terms Glossary)
ಆಕರಗಳು ಮತ್ತು ಮುಂದಿನ ಓದು (Sources and Further Reading)
ನಿಮ್ಮ ಅನಿಸಿಕೆ ತಿಳಿಸಿ (Send Your Feedback)

Two of these carry on past the printer. The medical glossary is on this site, searchable in either language, and corrections and updates records anything later found to be wrong in a printed copy, with the date it was recorded. ಇವುಗಳಲ್ಲಿ ಎರಡು ಮುದ್ರಣದ ನಂತರವೂ ಬೆಳೆಯುತ್ತವೆ. ವೈದ್ಯಕೀಯ ಪದಕೋಶ ಈ ತಾಣದಲ್ಲಿದೆ, ಯಾವ ಭಾಷೆಯಲ್ಲಾದರೂ ಹುಡುಕಬಹುದು. ತಿದ್ದುಪಡಿಗಳು ಮತ್ತು ಹೊಸ ಮಾಹಿತಿ ಪುಟದಲ್ಲಿ, ಮುದ್ರಿತ ಪ್ರತಿಯಲ್ಲಿ ಆಮೇಲೆ ಕಂಡುಬಂದ ತಪ್ಪುಗಳನ್ನು ದಿನಾಂಕ ಸಹಿತ ದಾಖಲಿಸಲಾಗುತ್ತದೆ.

Receptionಓದುಗರ ಬಳಿಗೆ

The first edition went out privately. The readers wrote back. ಮೊದಲ ಆವೃತ್ತಿ ಖಾಸಗಿಯಾಗಿ ಹಂಚಿಹೋಯಿತು. ಓದುಗರು ಬರೆದರು.

The first edition was printed for private circulation, not for sale. More than 300 copies went out at the physician-writers' conference in Doddaballapur, and those readers wrote back with questions the book had not answered, corrections, and things they wished had been in it. ಮೊದಲ ಆವೃತ್ತಿಯನ್ನು ಮಾರಾಟಕ್ಕಾಗಿ ಅಲ್ಲ, ಖಾಸಗಿ ವಿತರಣೆಗಾಗಿ ಮಾತ್ರ ಮುದ್ರಿಸಲಾಗಿತ್ತು. ದೊಡ್ಡಬಳ್ಳಾಪುರದಲ್ಲಿ ನಡೆದ ವೈದ್ಯ ಬರಹಗಾರರ ಸಮ್ಮೇಳನದಲ್ಲಿ 300ಕ್ಕೂ ಹೆಚ್ಚು ಪ್ರತಿಗಳು ಹಂಚಿಹೋದವು. ಆ ಓದುಗರು ಉತ್ತರ ಸಿಗದ ಪ್ರಶ್ನೆಗಳನ್ನು, ತಿದ್ದುಪಡಿಗಳನ್ನು ಮತ್ತು “ಇದೂ ಇರಬೇಕಿತ್ತು” ಎನ್ನುವ ಸಲಹೆಗಳನ್ನು ಬರೆದು ಕಳಿಸಿದರು.

That is what the revised edition is made of. It is rewritten throughout and grown to 53 chapters across 7 parts, thirteen of them new, with 6 practical appendices, a medical glossary, a quick-answers index and a page for the family. This is the edition on sale here. ಆ ಪ್ರತಿಕ್ರಿಯೆಗಳಿಂದಲೇ ಈ ಪರಿಷ್ಕೃತ ಆವೃತ್ತಿ ರೂಪುಗೊಂಡಿದೆ. ಪೂರ್ತಿ ಪರಿಷ್ಕರಿಸಿ, 7 ಭಾಗಗಳಲ್ಲಿ 53 ಅಧ್ಯಾಯಗಳಿಗೆ ಬೆಳೆದಿದೆ; ಅವುಗಳಲ್ಲಿ ಹದಿಮೂರು ಸಂಪೂರ್ಣ ಹೊಸ ಅಧ್ಯಾಯಗಳು. ಜೊತೆಗೆ 6 ಪ್ರಾಯೋಗಿಕ ಅನುಬಂಧಗಳು, ವೈದ್ಯಕೀಯ ಪದಕೋಶ, “ತಕ್ಷಣದ ಉತ್ತರಗಳು” ಪಟ್ಟಿ ಮತ್ತು ಮಧುಮೇಹಿಗಳ ಮನೆಯವರಿಗೊಂದು ಪುಟ. ಇಲ್ಲಿ ಸಿಗುವುದು ಇದೇ ಆವೃತ್ತಿ.

Madhumeha Manohara: the review printed in Vishwavani — The first review of the first edition, written by Shri Shashidhara Halady and published in ವಿಶ್ವವಾಣಿ. Tap the clipping to read it full size. ಮೊದಲ ಆವೃತ್ತಿಗೆ ಬಂದ ಮೊದಲ ವಿಮರ್ಶೆ. ಬರೆದವರು ಶ್ರೀ ಶಶಿಧರ ಹಾಲಾಡಿ; ಪ್ರಕಟವಾದದ್ದು ವಿಶ್ವವಾಣಿ ಪತ್ರಿಕೆಯಲ್ಲಿ. ಪೂರ್ತಿ ಓದಲು ಚಿತ್ರದ ಮೇಲೆ ಒತ್ತಿ.

In the pressಪತ್ರಿಕೆಗಳಲ್ಲಿ

The first review, for the first edition ಮೊದಲ ಆವೃತ್ತಿಗೆ ಬಂದ ಮೊದಲ ವಿಮರ್ಶೆ

A physician writes prescriptions all day, and the standing joke is that only the chemist can read them. Stepping outside that frame to write a whole book for the general reader was a different feeling altogether: a small unease, some hesitation, and a good deal of responsibility. Once it was printed and in readers' hands, one question was left. How would they take it? ಆಸ್ಪತ್ರೆಯಲ್ಲಿ ದಿನವೂ ಬರೆಯುವುದು ಔಷಧಿ ಚೀಟಿ; ಆ ಗೀಚುಬರಹ ಮೆಡಿಕಲ್ ಸ್ಟೋರ್‌ನವರಿಗೆ ಮಾತ್ರ ಅರ್ಥವಾಗುತ್ತದೆ ಎಂಬ ತಮಾಷೆಯ ಮಾತಿದೆ. ಆ ಚೌಕಟ್ಟನ್ನು ದಾಟಿ ಜನಸಾಮಾನ್ಯರಿಗಾಗಿ ಪುಸ್ತಕ ಬರೆಯಲು ಹೊರಟಾಗ ಆವರಿಸಿದ್ದು ಸಣ್ಣದೊಂದು ಅಳುಕು, ಒಂದಷ್ಟು ಹಿಂಜರಿಕೆ ಮತ್ತು ಸಾಕಷ್ಟು ಜವಾಬ್ದಾರಿ. ಪುಸ್ತಕ ಮುದ್ರಣಗೊಂಡು ಓದುಗರ ಕೈಸೇರಿದ ಮೇಲೆ ಉಳಿದಿದ್ದು ಒಂದೇ ಪ್ರಶ್ನೆ: ಇದನ್ನು ಜನ ಹೇಗೆ ಸ್ವೀಕರಿಸಬಹುದು?

The answer came in ವಿಶ್ವವಾಣಿ. What Shri Shashidhara Halady picked out was the very thing the book had been written for: that diabetes is explained here through examples drawn from ordinary life, in a way any reader can follow, rather than in a physician's vocabulary. There is no larger reward for a writer than finding that readers took the book to mean what he set out to say. ಅದಕ್ಕೆ ಉತ್ತರ ಸಿಕ್ಕಿದ್ದು ವಿಶ್ವವಾಣಿಯಲ್ಲಿ. ಒಬ್ಬ ವೈದ್ಯನಾಗಿ ಹೇಳುವುದಕ್ಕಿಂತ, ಒಬ್ಬ ಸಾಮಾನ್ಯ ಮನುಷ್ಯನಿಗೆ ಅರ್ಥವಾಗುವಂತೆ ಸಂದರ್ಭೋಚಿತ ಉದಾಹರಣೆಗಳೊಂದಿಗೆ ಮಧುಮೇಹವನ್ನು ವಿವರಿಸಿದ್ದೇ ಈ ಕೃತಿಯ ವಿಶೇಷ ಎಂದು ಶ್ರೀ ಶಶಿಧರ ಹಾಲಾಡಿಯವರು ಗುರುತಿಸಿದ್ದರು. ಲೇಖಕ ಹೇಳಹೊರಟ ಮೂಲ ಉದ್ದೇಶವನ್ನು ಓದುಗರು ಅದರಂತೆಯೇ ಗ್ರಹಿಸಿದ್ದಾರೆ ಎಂದು ತಿಳಿಯುವುದಕ್ಕಿಂತ ದೊಡ್ಡ ಬಹುಮಾನ ಇನ್ನೊಂದಿಲ್ಲ.

He is also the reason a column by the author, ಕ್ಷ-ಕಿರಣ, now runs in the same paper. That encouragement brought more than pleasure with it; it put a responsibility on whatever is written next. ವಿಶ್ವವಾಣಿಯ ‘ಕ್ಷ-ಕಿರಣ’ ಅಂಕಣದಲ್ಲಿ ನಿಯಮಿತವಾಗಿ ಬರೆಯಲು ಪ್ರೇರೇಪಿಸಿದವರೂ ಅವರೇ. ಆ ಪ್ರೋತ್ಸಾಹ ಖುಷಿಯನ್ನಷ್ಟೇ ಅಲ್ಲ, ಮುಂದಿನ ಬರವಣಿಗೆಗೆ ಜವಾಬ್ದಾರಿಯನ್ನೂ ಹೆಚ್ಚಿಸಿದೆ.

Join the MEDiscuss Books list MEDiscuss ಪುಸ್ತಕಗಳ ಸುದ್ದಿ ಪಟ್ಟಿಗೆ ಸೇರಿ

An email when this book is out, and once in a while when there is an update or another MEDiscuss book. A few a year, no more. Your address is not given to anybody, and every email carries an unsubscribe link. ಈ ಪುಸ್ತಕ ಬಂದಾಗ ಒಂದು ಇಮೇಲ್; ಆಮೇಲೆ MEDiscuss ಪುಸ್ತಕಗಳ ಸುದ್ದಿ ಇದ್ದಾಗ ಅಥವಾ ಇನ್ನೊಂದು ಪುಸ್ತಕ ಬಂದಾಗ, ಆಗೊಮ್ಮೆ ಈಗೊಮ್ಮೆ. ವರ್ಷಕ್ಕೆ ಕೆಲವು ಬಾರಿ, ಅಷ್ಟೇ. ನಿಮ್ಮ ವಿಳಾಸವನ್ನು ಯಾರಿಗೂ ಕೊಡುವುದಿಲ್ಲ; ಈ ಪಟ್ಟಿಯಿಂದ ಹೊರಬರುವ ಲಿಂಕ್ ಪ್ರತಿ ಇಮೇಲ್ ಕೊನೆಯಲ್ಲೂ ಇರುತ್ತದೆ.

Order a copyಪುಸ್ತಕ ತರಿಸಿಕೊಳ್ಳಿ

Not printed yet ಇನ್ನೂ ಮುದ್ರಣವಾಗಿಲ್ಲ

The revised edition is expected before 14 November 2026, World Diabetes Day, and nothing can be posted before then. Write now and we will tell you the price and how to pay the moment it is ready, or leave your address below and be told the day it is out. ಪರಿಷ್ಕೃತ ಆವೃತ್ತಿಯ ನಿರೀಕ್ಷೆ: 14 ನವೆಂಬರ್ 2026ರ ಮೊದಲು, ವಿಶ್ವ ಮಧುಮೇಹ ದಿನ. ಅಲ್ಲಿಯವರೆಗೆ ಪುಸ್ತಕವನ್ನು ಅಂಚೆಯಲ್ಲಿ ಕಳುಹಿಸಲು ಸಾಧ್ಯವಿಲ್ಲ. ಈಗ ಬರೆದರೆ, ಪುಸ್ತಕ ಸಿದ್ಧವಾದ ಕೂಡಲೇ ಬೆಲೆ ಮತ್ತು ಪಾವತಿಯ ವಿವರವನ್ನು ತಿಳಿಸುತ್ತೇವೆ. ಅಥವಾ ಕೆಳಗೆ ನಿಮ್ಮ ವಿಳಾಸ ಬರೆದಿಟ್ಟರೆ, ಪುಸ್ತಕ ಬಂದ ದಿನವೇ ತಿಳಿಸುತ್ತೇವೆ.

The price and postage for the revised edition are being settled with the publisher. Write to us and we will tell you the figure and how to pay. ಪರಿಷ್ಕೃತ ಆವೃತ್ತಿಯ ಬೆಲೆ ಮತ್ತು ಅಂಚೆ ವೆಚ್ಚವನ್ನು ಪ್ರಕಾಶಕರ ಜೊತೆ ಅಂತಿಮಗೊಳಿಸಲಾಗುತ್ತಿದೆ. ನಮಗೆ ಬರೆಯಿರಿ, ಮೊತ್ತ ಎಷ್ಟು ಮತ್ತು ಹಣ ಹೇಗೆ ಪಾವತಿಸಬೇಕು ಎಂದು ತಿಳಿಸುತ್ತೇವೆ.

Write to orderಬರೆದು ತರಿಸಿಕೊಳ್ಳಿ

Join the MEDiscuss Books list MEDiscuss ಪುಸ್ತಕಗಳ ಸುದ್ದಿ ಪಟ್ಟಿಗೆ ಸೇರಿ

An email when this book is out, and once in a while when there is an update or another MEDiscuss book. A few a year, no more. Your address is not given to anybody, and every email carries an unsubscribe link. ಈ ಪುಸ್ತಕ ಬಂದಾಗ ಒಂದು ಇಮೇಲ್; ಆಮೇಲೆ MEDiscuss ಪುಸ್ತಕಗಳ ಸುದ್ದಿ ಇದ್ದಾಗ ಅಥವಾ ಇನ್ನೊಂದು ಪುಸ್ತಕ ಬಂದಾಗ, ಆಗೊಮ್ಮೆ ಈಗೊಮ್ಮೆ. ವರ್ಷಕ್ಕೆ ಕೆಲವು ಬಾರಿ, ಅಷ್ಟೇ. ನಿಮ್ಮ ವಿಳಾಸವನ್ನು ಯಾರಿಗೂ ಕೊಡುವುದಿಲ್ಲ; ಈ ಪಟ್ಟಿಯಿಂದ ಹೊರಬರುವ ಲಿಂಕ್ ಪ್ರತಿ ಇಮೇಲ್ ಕೊನೆಯಲ್ಲೂ ಇರುತ್ತದೆ.

Write to usನಮಗೆ ಬರೆಯಿರಿ

Use the button, and in your message give your full postal address, PIN code and mobile number. ಬಟನ್ ಒತ್ತಿ. ಸಂದೇಶದಲ್ಲಿ ನಿಮ್ಮ ಪೂರ್ಣ ಅಂಚೆ ವಿಳಾಸ, ಪಿನ್ ಕೋಡ್ ಮತ್ತು ಮೊಬೈಲ್ ಸಂಖ್ಯೆ ಬರೆಯಿರಿ.
We write backನಾವು ಉತ್ತರಿಸುತ್ತೇವೆ

Your message reaches the author and the publisher together, and you get a reference number for it. We reply with the amount and how to pay. ನಿಮ್ಮ ಸಂದೇಶ ಲೇಖಕರಿಗೂ ಪ್ರಕಾಶಕರಿಗೂ ಒಟ್ಟಿಗೆ ತಲುಪುತ್ತದೆ; ನಿಮಗೆ ಉಲ್ಲೇಖ ಸಂಖ್ಯೆ ಸಿಗುತ್ತದೆ. ಮೊತ್ತ ಎಷ್ಟು ಮತ್ತು ಹಣ ಹೇಗೆ ಪಾವತಿಸಬೇಕು ಎಂದು ನಾವು ತಿಳಿಸುತ್ತೇವೆ.
Postedಅಂಚೆಯಲ್ಲಿ ರವಾನೆ

The publisher despatches the book to your address by post. Delivery time depends on where you are. ಪ್ರಕಾಶಕರು ಪುಸ್ತಕವನ್ನು ನಿಮ್ಮ ವಿಳಾಸಕ್ಕೆ ಅಂಚೆ ಮೂಲಕ ಕಳಿಸುತ್ತಾರೆ. ತಲುಪಲು ಎಷ್ಟು ದಿನ ಎಂಬುದು ನೀವು ಎಲ್ಲಿದ್ದೀರಿ ಎಂಬುದನ್ನು ಅವಲಂಬಿಸಿದೆ.

Buy 10, pay for 9 10 ಪ್ರತಿಗಳು, 9ರ ಬೆಲೆಗೆ

Diabetes rarely arrives at one house alone. A set of 10 is meant to be given away: to the people at work, to the relatives who keep asking you what they should eat, to the neighbour who has just been told. ಮಧುಮೇಹ ಒಂದೇ ಮನೆಗೆ ಬರುವುದಿಲ್ಲ. 10 ಪ್ರತಿಗಳ ಈ ಸೆಟ್ ಕೊಡುಗೆಯಾಗಿ ಕೊಡುವುದಕ್ಕೇ ಇರುವುದು: ಕೆಲಸದ ಜಾಗದವರಿಗೆ, “ಏನು ತಿನ್ನಬೇಕು” ಎಂದು ಪದೇ ಪದೇ ಕೇಳುವ ಬಂಧುಗಳಿಗೆ, ಈಗಷ್ಟೇ ರಿಪೋರ್ಟ್ ಬಂದ ಪಕ್ಕದ ಮನೆಯವರಿಗೆ.

Ask for the 10-copy set10 ಪ್ರತಿಗಳ ಸೆಟ್ ಕೇಳಿ

25 copies or more, for a hospital, a library, a school or a club, are quoted separately. Write and say how many, and where they are going. 25 ಅಥವಾ ಹೆಚ್ಚಿನ ಪ್ರತಿಗಳಿಗೆ (ಆಸ್ಪತ್ರೆ, ಗ್ರಂಥಾಲಯ, ಶಾಲೆ, ಸಂಘ-ಸಂಸ್ಥೆ) ಪ್ರತ್ಯೇಕ ದರ. ಎಷ್ಟು ಪ್ರತಿಗಳು ಮತ್ತು ಎಲ್ಲಿಗೆ ಎಂದು ಬರೆಯಿರಿ.

Or send the copies somewhere they are needed ಅಥವಾ ಪ್ರತಿಗಳನ್ನು ಬೇಕಾದಲ್ಲಿಗೆ ಕಳಿಸಿ

The readers who need this book most are often the least able to buy it. If you would like a set to reach them, you can pay for one and have it sent to a government hospital OPD or a diabetes clinic near you instead of to yourself. Please write to us with the correct postal address and your message. ಈ ಪುಸ್ತಕ ಯಾರಿಗೆ ಹೆಚ್ಚು ಅವಶ್ಯಕತೆ ಇದೆಯೋ ಅವರಿಗೇ ಅದನ್ನು ಕೊಂಡುಕೊಳ್ಳಲು ಕಷ್ಟಸಾಧ್ಯ. ಅಂತಹವರಿಗೆ ಇದನ್ನು ಕಳುಹಿಸಬೇಕೆಂದು ನಿಮಗೆ ಮನಸ್ಸಿದ್ದಲ್ಲಿ ನೀವು ಒಂದು ಸೆಟ್‌ಗೆ ಹಣ ಪಾವತಿಸಿ, ಅದನ್ನು ನಿಮ್ಮ ಬಳಿಯ ಸರ್ಕಾರಿ ಆಸ್ಪತ್ರೆಯ ಒಪಿಡಿಗೆ ಅಥವಾ ಮಧುಮೇಹ ಚಿಕಿತ್ಸಾಲಯಕ್ಕೆ ಕಳಿಸಬಹುದು. ಸರಿಯಾದ ಅಂಚೆ ವಿಳಾಸ ಹಾಗೂ ನಿಮ್ಮ ಸಂದೇಶವನ್ನು ದಯವಿಟ್ಟು ನಮಗೆ ತಿಳಿಸಿ.

Sponsor copies for a clinicಚಿಕಿತ್ಸಾಲಯಕ್ಕೆ ಪ್ರತಿಗಳ ಕೊಡುಗೆ

The next editionಮುಂದಿನ ಆವೃತ್ತಿ

This edition exists because its readers asked for it. So will the next one. ಈ ಆವೃತ್ತಿಯನ್ನು ಬರೆಸಿದವರು ಓದುಗರೇ. ಮುಂದಿನದನ್ನೂ ಅವರೇ ಬರೆಸುತ್ತಾರೆ.

Thirteen chapters in this edition exist because a reader asked for them: what to do when the sugar goes past 500, whether the vaccines matter, the gums, the liver, sexual health, reading a packet label, the newer weekly injections, continuous monitoring, and the exhaustion that comes from managing this for years. ಈ ಆವೃತ್ತಿಯ ಹದಿಮೂರು ಅಧ್ಯಾಯಗಳು ಇರುವುದೇ ಒಬ್ಬ ಓದುಗರು ಕೇಳಿದ ಕಾರಣಕ್ಕೆ: ಸಕ್ಕರೆ 500 ದಾಟಿದಾಗ ಏನು ಮಾಡುವುದು, ಲಸಿಕೆಗಳು ಬೇಕೇ, ಹಲ್ಲು-ಒಸಡು, ಫ್ಯಾಟಿ ಲಿವರ್, ಲೈಂಗಿಕ ಆರೋಗ್ಯ, ಪ್ಯಾಕೆಟ್ ಲೇಬಲ್ ಓದುವ ಕಲೆ, ವಾರಕ್ಕೊಂದು ಇಂಜೆಕ್ಷನ್, ಸಿಜಿಎಂ, ಮತ್ತು ವರ್ಷಗಟ್ಟಲೆ ಇದನ್ನು ನಿಭಾಯಿಸಿ ಬರುವ ಮಾನಸಿಕ ದಣಿವು.

Write down what you thought after reading it. Which chapter stayed with you, where you lost the thread, which question went unanswered, whether you found a mistake. All of it feeds the next edition. ಪುಸ್ತಕ ಓದಿದ ಮೇಲೆ ನಿಮಗೆ ಅನಿಸಿದ್ದನ್ನು ಬರೆಯಿರಿ. ಯಾವ ಅಧ್ಯಾಯ ಇಷ್ಟವಾಯಿತು, ಎಲ್ಲಿ ಗೊಂದಲವಾಯಿತು, ಯಾವ ಪ್ರಶ್ನೆಗೆ ಉತ್ತರ ಸಿಗಲಿಲ್ಲ, ಯಾವುದಾದರೂ ತಪ್ಪು ಕಂಡುಬಂತೇ. ಮುಂದಿನ ಆವೃತ್ತಿಗೆ ಇವೆಲ್ಲ ನೇರವಾಗಿ ನೆರವಾಗುತ್ತವೆ.

There is a QR code on the last page of the book that brings you straight here. To know when the next edition is out, bookmark this page. ಪುಸ್ತಕದ ಕೊನೆಯ ಪುಟದಲ್ಲಿ ಒಂದು QR ಕೋಡ್ ಇದೆ; ಅದು ನಿಮ್ಮನ್ನು ನೇರವಾಗಿ ಇಲ್ಲಿಗೇ ಕರೆತರುತ್ತದೆ. ಮುಂದಿನ ಆವೃತ್ತಿ ಬಂದಾಗ ತಿಳಿಯಬೇಕೆಂದರೆ ಈ ಪುಟವನ್ನು ಬುಕ್‌ಮಾರ್ಕ್ ಮಾಡಿಕೊಳ್ಳಿ.

Send a correction or a suggestionಸಲಹೆ ಅಥವಾ ತಿದ್ದುಪಡಿ ಕಳಿಸಿ

In English

Madhumeha Manohara: a Kannada book on diabetes

Written by a physician with more than 27 years of hospital practice, this book explains diabetes in plain Kannada, without dense medical vocabulary and with a light touch of humour. It works through everyday images: a car and its petrol, a traffic signal, a pressure cooker, an alarm bell.

53 chapters across 7 parts cover the underlying science, type 1 and type 2, prediabetes, complications, diet questions such as jaggery against sugar and millets and fasting, exercise, medication, insulin, and living well alongside the condition. A thread runs through it: the claims that circulate on WhatsApp, set against what the evidence actually supports.

This is the revised and expanded second edition; the first was printed for private circulation only. It is expected before 14 November 2026, World Diabetes Day. The book is in Kannada only. To have a copy posted to an Indian address, use the order button above; the publisher despatches by post.

Alongside the bookಪುಸ್ತಕದ ಜೊತೆಗೆ

Tools that go with this book ಈ ಪುಸ್ತಕದ ಜೊತೆಗಿನ ಪರಿಕರಗಳು

The book explains; these work it out. They are free, they run on this same site, and none of them asks who you are. ಪುಸ್ತಕ ವಿವರಿಸುತ್ತದೆ; ಇವು ಲೆಕ್ಕ ಹಾಕುತ್ತವೆ. ಇವೆಲ್ಲ ಉಚಿತ, ಇದೇ ತಾಣದಲ್ಲಿವೆ, ಮತ್ತು ನೀವು ಯಾರೆಂದು ಯಾವುದೂ ಕೇಳುವುದಿಲ್ಲ.

Indian Diabetes Risk Score ಭಾರತೀಯ ಮಧುಮೇಹ ಅಪಾಯದ ಅಂಕ

The scorecard from appendix 6, with the arithmetic and a saved result. Worth doing once for everyone in the house. ಅನುಬಂಧ 6ರ ಸ್ಕೋರ್ ಕಾರ್ಡ್, ತಾನಾಗಿಯೇ ಲೆಕ್ಕ ಹಾಕಿ ಫಲಿತಾಂಶ ಉಳಿಸಿಟ್ಟುಕೊಳ್ಳುವ ರೂಪದಲ್ಲಿ. ಮನೆಯವರಿಗೆ ಒಮ್ಮೆ ಮಾಡಿಸಿ.

HbA1c and Blood Sugar Numbers ಎಚ್‌ಬಿಎ1ಸಿ ಮತ್ತು ರಕ್ತದ ಸಕ್ಕರೆಯ ಅಂಕಿಗಳು

What the HbA1c on a report is as an average sugar reading. The number you want beside the logbook. ವರದಿಯಲ್ಲಿನ ಎಚ್‌ಬಿಎ1ಸಿ ಸರಾಸರಿ ಸಕ್ಕರೆಯ ಅಂಕಿಯಾಗಿ ಎಷ್ಟು ಎಂಬುದು. ಲಾಗ್‌ಬುಕ್ ಓದುವಾಗ ಬೇಕಾಗುತ್ತದೆ.

BMI and Body Measurements ಬಿಎಂಐ ಮತ್ತು ದೇಹದ ಅಳತೆಗಳು

The BMI and waist targets in appendix 1, measured against the cut-offs used for people in India. ಅನುಬಂಧ 1ರಲ್ಲಿ ಇರುವ ಬಿಎಂಐ ಮತ್ತು ಸೊಂಟದ ಗುರಿಗಳನ್ನು ಭಾರತೀಯ ಮಿತಿಗಳ ಜೊತೆ ಅಳೆದು ನೋಡಲು.

Heart Risk Calculator ಹೃದಯದ ಅಪಾಯದ ಮಾಪಕ

The book explains why heart risk matters in diabetes. This works it out from your own test results. ಮಧುಮೇಹ ಇರುವವರಲ್ಲಿ ಹೃದಯದ ಅಪಾಯ ಏಕೆ ಮುಖ್ಯ ಎಂಬುದನ್ನು ಪುಸ್ತಕ ಹೇಳುತ್ತದೆ; ಇದು ನಿಮ್ಮದೇ ವರದಿಗಳಿಂದ ಅದನ್ನು ಲೆಕ್ಕ ಹಾಕುತ್ತದೆ.

The rest of them, on blood pressure, the heart, pregnancy, children's vaccinations and more, are at Swasthya Compass. ರಕ್ತದೊತ್ತಡ, ಹೃದಯ, ಗರ್ಭಾವಸ್ಥೆ, ಮಕ್ಕಳ ಲಸಿಕೆ ಮುಂತಾದವುಗಳ ಉಳಿದ ಪರಿಕರಗಳು ಸ್ವಾಸ್ಥ್ಯ ದಿಕ್ಸೂಚಿಯಲ್ಲಿವೆ.

Pass it onಹಂಚಿಕೊಳ್ಳಿ

Somebody you know probably needs this book ನಿಮಗೆ ಗೊತ್ತಿರುವ ಯಾರಿಗಾದರೂ ಈ ಪುಸ್ತಕ ಬೇಕಾಗಿರಬಹುದು

One in four adults in this country is living with diabetes or on the way to it, and most of them have never read anything about it in their own language. Sending this page to one person costs nothing and is how the first edition found its readers. ಈ ದೇಶದ ಪ್ರತಿ ನಾಲ್ವರು ವಯಸ್ಕರಲ್ಲಿ ಒಬ್ಬರಿಗೆ ಮಧುಮೇಹ ಇದೆ ಅಥವಾ ಅದರ ಹಾದಿಯಲ್ಲಿದ್ದಾರೆ. ಅವರಲ್ಲಿ ಬಹುಪಾಲು ಜನ ತಮ್ಮದೇ ಭಾಷೆಯಲ್ಲಿ ಅದರ ಬಗ್ಗೆ ಏನನ್ನೂ ಓದಿಲ್ಲ. ಈ ಪುಟವನ್ನು ಒಬ್ಬರಿಗೆ ಕಳಿಸಲು ಏನೂ ಖರ್ಚಿಲ್ಲ. ಮೊದಲ ಆವೃತ್ತಿ ಓದುಗರನ್ನು ತಲುಪಿದ್ದೇ ಹೀಗೆ.

ಮಧುಮೇಹ ಮನೋಹರ