Reader resourceಓದುಗರ ಪರಿಕರ

Low glucose: emergency first aid and the rule of 15 ಲೋ ಗ್ಲೂಕೋಸ್ ತುರ್ತು ನಿರ್ವಹಣೆ: 15-15 ಸೂತ್ರ

Printed in the book as Appendix 2. This is the same text, kept up to date. ಪುಸ್ತಕದಲ್ಲಿ ಅನುಬಂಧ 2 ಆಗಿ ಮುದ್ರಿತವಾಗಿದೆ. ಇದು ಅದೇ ಬರಹ, ಪರಿಷ್ಕರಿಸಿ ಇಡಲಾಗಿದೆ.

Use it on your phone, on Swasthyaನಿಮ್ಮ ಫೋನಿನಲ್ಲೇ ಬಳಸಿ, ಸ್ವಾಸ್ಥ್ಯದಲ್ಲಿLow Glucose: What To Do Nowಲೋ ಗ್ಲೂಕೋಸ್: ಈಗ ಏನು ಮಾಡಬೇಕು?

ರಕ್ತದಲ್ಲಿ ಗ್ಲೂಕೋಸ್ ಮಟ್ಟ 70 mg/dL ಗಿಂತ ಕಡಿಮೆಯಾಗುವುದನ್ನು ‘ಲೋ ಗ್ಲೂಕೋಸ್’ (ಹೈಪೋಗ್ಲೈಸೀಮಿಯಾ) ಎನ್ನುತ್ತಾರೆ. ಇದು ಗ್ಲೂಕೋಸ್ ಹೆಚ್ಚಾಗುವುದಕ್ಕಿಂತಲೂ ಹೆಚ್ಚು ತುರ್ತು ಮತ್ತು ತಕ್ಷಣದ ಅಪಾಯಕಾರಿ ಸ್ಥಿತಿ.

1. ಮುನ್ನೆಚ್ಚರಿಕೆಯ ಲಕ್ಷಣಗಳು

ತೀವ್ರ ನಡುಕ ಮತ್ತು ಬೆವರುವುದು (ವಿಶೇಷವಾಗಿ ಕುತ್ತಿಗೆ ಮತ್ತು ಹಣೆಯ ಮೇಲೆ)
ಅತಿಯಾದ ಹಸಿವು ಮತ್ತು ಎದೆಬಡಿತ ಜೋರಾಗುವುದು
ತಲೆತಿರುಗುವಿಕೆ, ದೃಷ್ಟಿ ಮಂಜಾಗುವುದು, ಗೊಂದಲ
ಕಿರಿಕಿರಿ, ಅಸಂಬದ್ಧ ಮಾತು, ನಡೆಯುವಾಗ ತೂರಾಟ

2. ತುರ್ತು ನಿರ್ವಹಣೆಯ ‘15-15 ಸೂತ್ರ’ (Rule of 15)

ಹಂತ 1 (ತಕ್ಷಣ ಸೇವಿಸಿ): ಪ್ರಜ್ಞೆ ಇದ್ದರೆ, ತಕ್ಷಣ 15 ಗ್ರಾಂ ವೇಗವಾಗಿ ಕರಗುವ ಸರಳ ಸಕ್ಕರೆ ನೀಡಿ:
- 3 ಚಮಚ ಸಕ್ಕರೆ ಅಥವಾ ಗ್ಲೂಕೋಸ್ ಪುಡಿಯನ್ನು ಅರ್ಧ ಗ್ಲಾಸ್ ನೀರಿಗೆ ಬೆರೆಸಿ ಕುಡಿಸಿ, ಅಥವಾ
- ಅರ್ಧ ಲೋಟ (150 ml) ಹಣ್ಣಿನ ಜ್ಯೂಸ್, ಅಥವಾ
- 3-4 ಗ್ಲೂಕೋಸ್ ಮಿಠಾಯಿಗಳು.
(ಗಮನಿಸಿ: ಚಾಕೊಲೇಟ್ ತಿನ್ನಬೇಡಿ; ಕೊಬ್ಬು ಸಕ್ಕರೆ ಹೀರಿಕೆಯನ್ನು ನಿಧಾನಗೊಳಿಸುತ್ತದೆ).
ಹಂತ 2 (15 ನಿಮಿಷ ಕಾಯಿರಿ): ಯಾವುದೇ ಘನ ಆಹಾರ ನೀಡದೆ 15 ನಿಮಿಷಗಳ ಕಾಲ ಸಂಪೂರ್ಣ ವಿಶ್ರಾಂತಿ ಪಡೆಯಿರಿ.
ಹಂತ 3 (ಮರು ಪರೀಕ್ಷೆ ಮಾಡಿ): 15 ನಿಮಿಷಗಳ ನಂತರ ಗ್ಲೂಕೋಮೀಟರ್‌ನಲ್ಲಿ ರಕ್ತ ಪರೀಕ್ಷೆ ಮಾಡಿ:
- ಗ್ಲೂಕೋಸ್ > 70 mg/dL ಆಗಿದ್ದರೆ: ತಕ್ಷಣ ಒಂದು ಸಣ್ಣ ಚಪಾತಿ, ಬ್ರೆಡ್ ಅಥವಾ ನಿಯಮಿತ ಊಟ ನೀಡಿ.
- ಗ್ಲೂಕೋಸ್ ಇನ್ನೂ < 70 mg/dL ಇದ್ದರೆ: ಹಂತ 1 ಅನ್ನು ಮತ್ತೊಮ್ಮೆ ಪುನರಾವರ್ತಿಸಿ.

ಕುಟುಂಬದವರಿಗೆ ಕಟ್ಟುನಿಟ್ಟಿನ ಜೀವ ರಕ್ಷಕ ಎಚ್ಚರಿಕೆ

ಮಾಡಬೇಡಿ: ವ್ಯಕ್ತಿಗೆ ಪ್ರಜ್ಞೆ ತಪ್ಪಿದ್ದರೆ ಬಾಯಿಗೆ ನೀರು, ಹಾಲು ಅಥವಾ ಸಕ್ಕರೆ ತುರುಕಬೇಡಿ; ಅದು ಶ್ವಾಸಕೋಶಕ್ಕೆ ಹೋಗಿ ಉಸಿರುಗಟ್ಟುವ ಅಪಾಯವಿದೆ (Aspiration).
ಮಾಡಿ: ಪ್ರಜ್ಞೆ ತಪ್ಪಿದ ತಕ್ಷಣ ವ್ಯಕ್ತಿಯನ್ನು ಎಡಮಗ್ಗುಲಿಗೆ ಮಲಗಿಸಿ (Recovery position), ತಕ್ಷಣ ಹತ್ತಿರದ ಆಸ್ಪತ್ರೆಯ ತುರ್ತು ಚಿಕಿತ್ಸಾ ಘಟಕಕ್ಕೆ ಕರೆದೊಯ್ಯಿರಿ (ಅಲ್ಲಿ ನರಕ್ಕೆ ಗ್ಲೂಕೋಸ್ / IV Dextrose ನೀಡಲಾಗುತ್ತದೆ).

Something wrong here?ಇಲ್ಲಿ ಏನಾದರೂ ತಪ್ಪಿದೆಯೇ?

These sheets are corrected the day a mistake is found, which is the reason they are pages and not a file you download once. Corrections already made are listed on the corrections page. ತಪ್ಪು ಕಂಡುಬಂದ ದಿನವೇ ಈ ಪುಟಗಳನ್ನು ತಿದ್ದಲಾಗುತ್ತದೆ. ಒಮ್ಮೆ ಇಳಿಸಿಕೊಳ್ಳುವ ಕಡತವಾಗಿರದೆ ಇವು ಪುಟಗಳಾಗಿರುವುದಕ್ಕೆ ಅದೇ ಕಾರಣ. ಈಗಾಗಲೇ ಮಾಡಿದ ತಿದ್ದುಪಡಿಗಳು ತಿದ್ದುಪಡಿ ಪುಟದಲ್ಲಿವೆ.

The version that works it out for you is Low Glucose: What To Do Now, on Swasthya. ಇದನ್ನು ತಾನೇ ಲೆಕ್ಕ ಹಾಕುವ ಆವೃತ್ತಿ ಸ್ವಾಸ್ಥ್ಯದಲ್ಲಿದೆ: ಲೋ ಗ್ಲೂಕೋಸ್: ಈಗ ಏನು ಮಾಡಬೇಕು?.